Өлең, жыр, ақындар

Дәм айыру

  • 16.06.2019
  • 0
  • 0
  • 1236
Гүлмамырға

Тісің шықты - иегіңді жарып, қанап,
Жейтін болдың дәміңді — анықтап ап.
Құйтақандай көжегім! — әрнәрсені
Отырасың аузыңа салып қарап.
Қылығыңның біз үшін бәрі де аңыз,
Шешең жарыта алмаған — әлі қарыз.
Ауызыңа қолдарың жақындаса:
"Ойбай, жеме!
Жаман!.." — деп жалынамыз.
Өбектеумен өзіңе өтті күнім,
Күн де ерекше тәтті бір төкті нұрын ...
Жақпас нәрсе аузыңа салып қойып,
Тыжырынып қалады "жоқ мұрының".
Саған сақтап сыбаға дайындаған,
Жатқан шығар дастархан — сайын далаң!..
Ғұншагүлдей ерніңнен, айналайын,
Ащы менен тұщыны айырмаған!
Ғұншагүлің қауызын ашады ертең,
Таң күлімдеп алдыңнан аса көркем.
Ақ жаулықты әжелер-ақ бас шыңдар,
Бар тәттісін жолыңа шашады өлкем.
Нұр ұялап содан соң маңдайыңа,
Самал еріп шабады шалғайыңа.
Татымағай, әйтеуір, деп тілейік —
Ащы тағдыр, ащы жас таңдайыңа!
Балапаным, мамығы үлпілдеген,
Сезіктеніп тамағын түртіп жеген ...
Ащы мұңын көзімнің шайып жібер,
Ерніңдегі тәп-тәтті күлкіңменен! 



Пікірлер (0)

Пікір қалдырыңыз

Айгезбенің өлеңі

  • 0
  • 0

А, мына көлденең жатқан қара шың,
Бір беті биік Боз Сеңгір.
Сол екеуінің арасын
Боз атпен түнде кезсең бір...

Толық

Естелік

  • 0
  • 0

Жетті де ұшып дос - құсым,
(Бақ еді ол түске енбеген)
Әкелді сәлем: "кешкісін Төрткүлді жаққа кел!" — деген.
Ынтықтық емсіз дерт білем,

Толық

Кездесу

  • 0
  • 0

"... Болмашы бір қызықтай оңай кеткен,
Менен жылдам құтылдым, деп, ойлап па ең?
Жо - жоқ, қалқам, сен бұлай қателеспе,
Бекер еріп жүрсің ғой жат елеске.

Толық

Қарап көріңіз