Өлең, жыр, ақындар

Таулар

  • 28.07.2021
  • 0
  • 0
  • 963
Көгілдір таулар, көк белдер,
Көруге ғана жаралған, –
Сиқырлы сұлу көктем мен
Көктемгі балғын самалдан.
Қайғысыз,
мұңсыз жалғанның,
Қызығын жиған тау іші.
Бойына сіңген талдардың,
Бейкүнә құстың дауысы.
Тигізбей оны желге де,
Жағалай қоршап нулары,
Орапты торғын пердеге
Өзеннің бозғылт булары.
Шалғынға көміп етегін,
Қондырып мөлдір шықтарды,
Барады сәуле көтеріп
Бетіне қонған бұлттарды.
Әлдилеп біреу арудай,
Әкеліп мынау араға,
Қызғанып тозаң,
дауылдан
Қойғандай іліп ауаға.
Тұрады балқып бұрымын
Төгілте тастап еңіске,
Шипалы гүлдің шырынын
Армансыз жұтқан періште.
Армансыз салып ойынын да
Басады балғын күйіне, –
Көгілдір таудың қойнында
Кіршіксіз сәби дүние...



Пікірлер (0)

Пікір қалдырыңыз

Асыл жандар

  • 0
  • 0

Асыл жандар
Асылым, асқар таудай дара тұлғаң.
Адамның алғысынан жаратылған.
Сағи Жиенбаев

Толық

Бұлақ әні

  • 0
  • 0

Сонау бір шыңда өстім мен,
Тозаң мен шаңнан адамын.
Тұнығым менің, ешкімге
Тигізе көрмес залалын.

Толық

Соғыс ардагерлері

  • 0
  • 0

Соғыс ардагерлері - Сағи Жиенбаев
Жүр олар әр қалада, әр ауылда,
Қақталған қанды майдан алауында.
Лаулаған жалын от бар жанарында,

Толық

Қарап көріңіз