Өлең, жыр, ақындар

Селяви – Солай

  • 05.05.2020
  • 0
  • 0
  • 1255
Өмірді ешкім,
Айтпайды сірә оңай деп,
Қайда да ылғи
Оңынан келер орай жоқ,
Селяви дейді
Қиналған сәтте француз,
Сабырға келер,
Даланың ұлы солай деп!
Селяви – солай,
Селяви – солай,
Осылай,
Өмірдің жолы
Сан тарау, сынақ, досым-ай,
Француз, қазақ,
Ұйқаса қалған қалайша,
Селяви – солай,
Өмірлік ұғым қосып- ай!
Е, өмір солай,
Дегені қазақ – селяви,
Даланың сөзі
Даналық тұнған, тола күй,
Селяви – солай,
Қонақжай болса бұл қазақ,
Дүние шіркін,
Адамдар үшін қонақ үй!
Керемет Париж,
Көңілде өлең, тола күй,
Эйфельді бойлап,
Тұрғандай билеп қала би,
Сіздермен, достар,
Бір ғана сәтте кездесіп,
Қоштасып жатсақ,
Солай ғой, өмір,
Селяви!



Пікірлер (0)

Пікір қалдырыңыз

Бес таған

  • 0
  • 0

Қазына, қазы, қарта, қақтаған сүр,
Сияқты, сөз ырғағын сақтаған дүр,
Жөн болмас, жанға қонбас қақсаған құр,
Жорғағынан жаңылып ақсаған жыр...

Толық

Ауру мен дәрігер

  • 0
  • 0

Асылық қып, ұмытқанда құдайын,
Құдай жанға жібермей ме бір уайым?!
Шалдыққанда алуан түрлі ауруға
Таппай қалар пенде шіркін күн, айын!

Толық

Өмірлік менің серігім

  • 0
  • 0

Аяңдай басып келеміз,
Қалауын тауып көңілдің,
Көтере білдік қосылып,
Өмірдің ауыр, жеңілін.

Толық

Қарап көріңіз