Ғайникамал Сәдуақасова

Жайық үні

Бұл бетте «Жайық үні» атты Ғайникамал Сәдуақасова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Gainikamal_Saduakasova
06.11.2021
0
0
3054

Жайық үні

Жайық жайлы жазайыншы бірер жыр,
Дерті оның асықынғандай үдеп тұр.
Қазағымның бәрі бірге алаңдап,
Арнасының толғандығын тілеп жүр.

Жоғалғанда жетіппіз бағасына,
Болашаққа күмәнмен ағасың ба?
Бүгіндері өзенім таязданды,
Кездер қайда бақ қонған жағасына.

Жалғап еді құрлықты, байтақ елді,
Қоқыстары барады жайпап жерді.
Тазалайық, қорғайық, жылатпайық,
Тілі болса "құтқар" деп айтар еді.

Бас қатырсаң мәселе айығады,
Қолға алуын күтіп тұр қайық әні.
Жұдырықтай жұмылып сақтап қалсақ,
Құлпырады, жайнайды- Жайық әлі.

Ел едік қой жетімін жылатпаған,
Дариясын, теңізін құрғатпаған.
Замананың бір зары не себепті
Жайығымның басында тұрақтаған?

жайық жайық жайлы өлең экология жайық үні Gainikamal_Saduakasova өлеңдері

Пікірлер (0)

Пікір қалдырыңыз

Жиі қойылатын сұрақтар