Досым–ай – Баянғали Әлімжанов

Есіңде ме досым – ау,
Бірге өткізген шат күнің,
Бірге ұмтылып арманға,
Бірге іздеген бақ гүлін!

Таңғажайып әлемде,
Таңғалумен ән салдық,
Арман жолын таңдаумен
Ақ таңдарды қарсы алдық!

Қайырмасы:
Қандай едік бір кезде,
Қайран менің досым-ай,
Баяғыдай өзіңе,
Менің көңіл хошым-ай,
Қол бұлғаймыз алыстан,
Басымыз бір қосылмай,
Амалың не, досым-ай,
Шіркін өмір осылай!

Өкінуге бола ма,
Өмір зулап өттің деп,
Өкпелейміз кейде біз,
Хабарласпай кеттің деп!

Сенің айтқан сырларың,
Жүректе тұр жаңғырып,
Өзгермейді шын көңіл,
Нағыз достық мәңгілік!

Қайырмасы: