Өлең, жыр, ақындар

Бал балалық шағым

  • 06.05.2020
  • 0
  • 0
  • 3820
Өмір қандай ағын,
Ғайып болған сағым,
Сағындым ғой сені,
Бал балалық шағым!
Бұрқыраған саумал,
Аңқылдаған самал,
Алтын ұям ауыл,
Сағындым ғой сені!

Қайырмасы:
Қырмызы қырлар,
Қызғалдақ жылдар,
Жұлдызды түндер,
Бұрымды қыздар,
Сағындым сені!
Құйғытқан құлын,
Құлпырған қырым,
Өзіңнен алдым,
Өмірдің нұрын,
Сағындым сені!

Ағынды күндер,
Арынды түндер,
Армандай шағым,
Жайнаған гүлдер!
Өмірді сүйіп,
Ұмтылдық алға,
Келеміз жүріп,
Бір ұзақ жолда!

Сағынып жүрмін,
Балалық шағым,
Балдәурен күнім,
Тербеген самал,
Жусан мен гүлін,
Таңдайға балдай,
Бұлақтың суын,
Өзіңнен алдым,
Өмірдің нұрын.

Қ-сы:
Сағындым сені,
Көбелек қуып,
Қырларды кезген,
Құрбыммен бірге,
Қызғалдақ терген,
Құлынға мініп,
Құйғытып жүрген,
Сағымдай жылдар,
Сағындым сені!



Пікірлер (0)

Пікір қалдырыңыз

Қиялдағы жұмбақ қыз

  • 0
  • 0

Замана жүйрік,
Қалмауға артта ақсап мен,
Интернет кірдім,
Жаңалық іздеп мақсатпен,

Толық

Өртенген тағдырлар

  • 0
  • 0

Үздіксіз адамдар тізбегі,
Ілбиді, құп-қу боп жүздері,
Кеудеде жаны бар демесең,
Қуарған жапырақ күздегі,

Толық

Із

  • 0
  • 0

Бабалар бізден алыста,
Балбал тастай баяғы,
Ағалар қайда кешегі,
Алақаны аялы,

Толық

Қарап көріңіз