Ана тілім

Ата жырды ана тілде жаттадым,
Анашымды ана тілде мақтадым,
Арқасында дана тілдің, бай тілдің
Қазақ деген атымды мен сақтадым.
Ата-бабам аманаты – тілімсің,
Аялаған жазирада гүлімсің,
Туған ел мен туған жерге ғашық қып,
Өміріме жарық берген күнімсің!
Ана тілім, қандай ғажап ырғағың,
Жүрісіндей су төгілмес жорғаның,
Дүниемен ана тілде сырласып,
Ана тілмен бірге жасау арманым!

---