Өлең, жыр, ақындар

Үлкен жолда жатқан көлік ағылып

  • 18.07.2020
  • 0
  • 0
  • 985
Үлкен жолда жатқан көлік ағылып,
Қарамайды жолаушыға көлдеңен.
Кетпес пе екен жүрісінен жаңылып,
Жол тәртібін, ережесін білмеген.

Асфальт жолды күннің көзі қыздырып,
Танауыңды жарып кетер қарамай.
Сананы да шырмап алар жүз күдік,
Шешесінен таяқ жеген баладай.

Уақыт та өткен шығар бірталай,
Аялдама толып кеткен қоқысқа.
Заулап келе жатқан көлік байқамай
Қаз-үйректі тапап кетті оқыста.

Көзге жылы көрінеді қарайған,
Жол бойынан танып келем әр ізді.
Сым тартылған бағаналар сорайған
Сигареттің жарнамасы тәрізді.

Жол, бәрібір, жетелейді алысқа,
Шыдау керек жыласаң да, күлсең да.
Қатарыңнан сен де ендеше қалыспа,
Арып-ашып, жаяу-жалпы жүрсең де…



Пікірлер (0)

Пікір қалдырыңыз

Бөлінбейтін сандар бар деп екіге

  • 0
  • 0

Бөлінбейтін сандар бар деп екіге,
Көзің жетіп тұрған-сынды көкіме.
Бөлінеді бес пен тоғыз, жеті де,
Ащы таяқ тиген болса етіне.

Толық

Құбылды заман

  • 0
  • 0

Қабақта – қырау, көңілде – қылау,
Құбылды заман жалғанда мынау.
Соққандай боран сандалды адам,
Еңсені езді құдайсыз қоғам.

Толық

Кеше ғана жатқан бала бесікте

  • 0
  • 0

Кеше ғана жатқан бала бесікте,
Тілі шығып, жүгіреді есікке.
Аттың жалын тартып мінсең, тәуекел!
Жолда қалма, мақсатыңнан кешікпе.

Толық

Қарап көріңіз