Өлең, жыр, ақындар

Төр

  • 18.07.2020
  • 0
  • 0
  • 1308
Ат жалын тартып мінер халге жеттім,
Аяқ сап үзеңгіге, ерге жеттім.
Ерім деп еркелетер елге кеппін,
Алпыстай асуды асып, төрге кеппін.

Біреулер отырса да бұзып-жарып,
Төр деген орын емес қызығарлық.
Кісінің төрде отырған көп алдында
Көрініп тұрады екен ізі барлық.

Көз сүзіп отырғандар босағада,
Төр қашан босайды деп тоса ала ма?!
Төр деген биік тұрған төбе-сынды,
Меніңше, бар кілтипан осы арада.

Жібермей жақсы деген адамды алға,
Төбеге ұмтылады жамандар да.
Жарбиып жапалақтар жарға қонса,
Томағаң алынбаса, амал бар ма?!

Жаманның аяқ асты жанса бағы,
Төменде жүргендерді қор санады.
Отырса төрге шығып төре болып,
Сөйлейді аузы қисық болса-дағы.

Жараған қазағымның әжетіне,
Таласқан пысығы да, өжеті де,
Төр деген жер емес пе көрге жақын,
Төрге көп қызығудың қажеті не?!



Пікірлер (0)

Пікір қалдырыңыз

Қалмайды көктем келсе, қыста қаһар

  • 0
  • 0

Қалмайды көктем келсе, қыста қаһар,
Мұзың де көктемде еріп, қыста қатар.
Қанатың қатаймаса, шырқау көкте
Ақиық қырандармен ұшпа қатар.

Толық

Ұмыттым

  • 0
  • 0

Шыққан сайын түн түнегін түріп күн,
Бұл жалғанда сайран салып жүріппін.
Ұмытқам жоқ достарымның күлкісін,
Қастарымның табасын ше?

Толық

Жылқышылар жүрген жылқы қайырып

  • 0
  • 0

Жылқышылар жүрген жылқы қайырып
Жазық жерде есек те жүр жайылып.
Үйірінен қалды ма екен адасып,
Қыр астында кісінейді тай-үміт.

Толық