Өлең, жыр, ақындар

Күз - көрініс

  • 21.07.2020
  • 0
  • 0
  • 1649
Мезгіл жетсе қалайша жарқырамас,
Жарқыраған жалқын күн қалпына мас.
Алқап толы алтын шөп, алтын бұта,
Аула толы алтын тал – алтын ағаш.

Беткейінің балғын шөп балаусалы,
Бет-бедері алтындай сары-ау,сары.
Қазынаны кім осы төге салған
Ұмытылып кешегі қарау шағы.

Алқап қандай,
Апталған адыр қандай,
Апталған соң шалғын мен шағыр – балдай.
Аяғыңа басылып жатқаннан соң,
«Алтыннан» да барады қадір қалмай.

Жел таратқан жарлықты есіне ұстап ,
Жапырақтар жалғанның төсіне ұшпақ.
Қара бақыр қимайтын мезгіл шіркін
Қазынасын төгуде қос уыстап.

Аусар самал аймалап төсін, белін,
Күй кешуде ақ қайың тосын, керім.
Жел өпкенде,
Желпілдеп желек-пенде
Білмей қалды қалайша шешінгенін.

Онысына, білмеймін, ырза ма ағаш,
Күз секілді, әйтеуір, мырзаға мас.
Жер шешінді...
Кімнің де алтын төксең,
Қалатұғын әдеті тыр жалаңаш.



Пікірлер (0)

Пікір қалдырыңыз

Кебеже

  • 0
  • 0

Томсарып тұр тозаң тұтқан кебеже,
Кебежемен болушы еді тоқ әже.
Көне мүлік – бүгін үшін ескілік,
Ескілікке кейін тартты кегеже.

Толық

Аудару

  • 0
  • 0

Жырымды аудармаңдар,
Аудармаңдар,
Аударып, – дей алмаймын, – дау қармаңдар.
Өлеңді аударсаңыз,

Толық

Қазақы апта

  • 0
  • 0

Дүйсенбіде желігіп жиен келді,
«Қырық серкеш» көтерер сүйенгенді.
Сейсенбіде нағашым нөкерімен
Текеметін төрімнің иемденді.

Толық

Қарап көріңіз