Өлең, жыр, ақындар

Ескі

  • 21.07.2020
  • 0
  • 0
  • 1259
Ақын дос «Не жаңалық бар?» – деп телефон шалады. Ал, менде айтарлықтай ештеңе жоқ...
(Автор)

«Не жаңалық?», – дейсіңіз,
Жаңалық жоқ жаңалық.
Күнге күйген көрші қыз
Кетпепті әлі ағарып.

Орнында тұр долана,
Орнында тұр дара құз.
Жаңалық деп бола ма,
Ағармаса қараңыз?!

Саумын, – дейді мас адам,
Таумын, – дейді төбе би.
Бар жаңаны жасаған –
Басыңдағы көне ми.

Мінсіз, – дейді, – бір керім
Мезі еткенді сан күліп.
Жаңалық деп жүргенің
Жыл бұрынғы жаңғырық.

Жаңалық жоқ.
(Ол – анық).
Бағзыныкі – бертінгі ой.
Қыз дегенің...
Боянып
«қылық» ашқан кемпір ғой.

Жаңартуға аз халім,
«Қайырлы мал – қайтқаным».
Бұрынғы сөз жазғаным,
Бұрынғы ой айтқаным.

Жаңамын, – деп осылай
Жасамыс жел, әне, есті.
Білмеуші ме ең, досым-ай,
Бұл дүниенің бәрі ескі.



Пікірлер (0)

Пікір қалдырыңыз

Алдар

  • 0
  • 0

Бұл қазақты кім айтқан ақымақ, – деп,
Жағынуды ойлайды жатып ап тек.
Бастығына бозаң түс ұнар болса,
Әп-сәтінде қояды атын әктеп.

Толық

Тарсылдама, жүрегім...

  • 0
  • 0

Тарсылдама, жүрегім, тарсылдама,
Шәулі бол, – деп қайтесің баршынға ана?!
Жарыс емес,
Жан-жағым жаяу тірлік,

Толық

Алжасу

  • 0
  • 0

Бапқа құлар заманда
Шатақ қуып алжастым.
Ақша қуар заманда
Атақ қуып алжастым.

Толық

Қарап көріңіз