Мына өмiр серуен десек те

Бұл бетте «Мына өмiр серуен десек те» атты Есей Жеңісұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 16.08.2021
  • 0
  • 0
  • 622
Мына өмiр серуен десек те,
Дәл қазiр қызықтан алыспыз.
Купеде, үстiңгi төсекте,
Ұйықтап жатыр бiр орыс қыз.
Көздерiн кiрпiгi көмкерiп,
Пысылдап жатқаны сүйкiмдi.
Сан ойлар санамды төңкерiп,
Ұрлады менiң де ұйқымды.
Бұлт ауып, батысқа күн көшкен,
Уақыттың бiлiнбей дерегi.
Ал пойыз ештеңе бiлместен,
Сол қызды тербетiп келедi.
Осыдан дәл екi ай бұрын,
Өзiмдi түсiнбес шақта мен,
Жанымның жандырып ай-күнiн,
Сол жерде сен ұйықтап жатқан ең...
Сезiм кеп жанымды кеш өптi,
Сағыныш өзiңе iзгi анық.
Купенi, үстiңгi төсектi,
Келемiн сол қыздан қызғанып...


Пікірлер (0)

Пікір қалдырыңыз

Жиі қойылатын сұрақтар

Мына өмiр серуен десек те өлеңінің авторы кім?

Есей Жеңісұлы — осы өлеңнің авторы.

Мына өмiр серуен десек те өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Мына өмiр серуен десек те өлеңі не туралы?

Бұл өлеңде Есей Жеңісұлы өз ойы мен сезімін көркем түрде жеткізеді.

Мына өмiр серуен десек те өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері

Басқа да жазбалар