Жанна Елеусіз

Даланы сүйіп қайтса таң самалы

Бұл бетте «Даланы сүйіп қайтса таң самалы» атты Жанна Елеусіз жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

22.07.2020
0
0
1643

Даланы сүйіп қайтса таң самалы,
қарағай қаладағы ән салады…
Жаныңнан пыр-пыр ұшса аққу-өлең,
Жүректің сезілмейді-ау шаршағаны…

Ақпанның артта қалып дауылдары,
Ақкөңіл бұлттың бәрі ауылдағы-
аңқылдап жауып кетсе Ақтөбеге!.
Жүректің ұмытылар ауырғаны…

Бұл көктем…көктем емес, тылсым ба еді?
Бұл өмір өмір емес, қыршын ба еді…
Күркіреп бір найзағай ойнап кетсе –
Жүректің білінбес ед күрсінгені!..

Күндердің қызылы не, күреңі не…
Бір дүмпу беріңдерші Жүрегіме!..

Жанна Елеусіз дала даланы сүйіп қайтса таң самалы Жанна Елеусіз өлеңдері

Пікірлер (0)

Пікір қалдырыңыз

Жиі қойылатын сұрақтар