Өлең, жыр, ақындар

Жан серігім

  • 26.08.2020
  • 0
  • 0
  • 2501
Байлық та,
Төгіледі, шашылады,
Атақ та,
Шарқ ұрады, басылады.
Менімен мәңгілікке сапар шектің,
Жан серігім, өлеңім қасымдағы.
Алдымызда,
Қанша өмір, жарық қалды,
Уақыт қанша,
Қызықты алып қалды?
Мән бермедік, сенбедік, өкінішті...
Бар екені Алланың анықталды.
Дұшпанның,
Қолы жетпес қызғанса да,
Жүрегі,
Жамандардың мұз болса да.
Не көрсек те екеуіміз бірге көрдік,
Алдымыздан,
Шықса да құз қаншама.
Жанымыз,
Сезгеніне шүкір дедік,
Тоты құстай,
Таранып күтінбедік.
Өмір-бақи,
Толғанып, өлең жазып,
Жыртықты да,
Жамадық, бүтіндедік.
Жетім болдық,
Жыладық бірге екеуіміз,
Кедей болдық,
Сонда да бірге екенбіз.
Ғашық болып екеуіміз бір Аллаға,
Өтсек ертең дүниеден бірге өтерміз.



Пікірлер (0)

Пікір қалдырыңыз

Көңілін кір шалмаған

  • 0
  • 0

Дала да кең қарасаң,
Өмір де кең,
Бір қымбат дүние бар,
Көрінбеген.

Толық

О, туған жер!

  • 0
  • 0

О, туған жер!
Күннен-күнге арта түсті қадірің,
Қадіріңді бір адамдай таныдым.
Саған келіп өксігімді бастым мен,

Толық

Өлеңім, асыл текті Фараондай

  • 0
  • 0

Біреудің тіреп тұрған ағасы бар,
Теңізге шықса бірге ала шығар.
Біреулер өсек айтып күнін көрер,
Оны айтпаса аузына жара шығар.

Толық

Қарап көріңіз