Өлең, жыр, ақындар

Қасым Аманжолов көшесі

  • 29.08.2020
  • 0
  • 0
  • 1007
Үлде мен бүлдедей бүркеніп бау-баққа,
У-шу қаладан іргесін салып аулаққа,
Көкорай Көктөбе бауырында,
Қасым Аманжолов көшесі жатыр тау жақта.
Кеше кешіп жүргенде ақын қиялға,
Тыншу, тар көшеге Қасым сияр ма?
Есіп-егіліп, тасып төгіліп жырдың рухы
Сілтідей тындырып сілтер ед қиянға.
Нөсер болған соң құймай тынбайды, ә,
Ақын болған соң күй-жай таңдай ма?
Қасым келді ғой, жасын болды ғой болуы,
Жарығын шашты ғой жақынға, шалғайға.
Үлде мен бүлдедей бүркеніп бау-баққа,
У-шу қаладан іргесін салып аулаққа.
Көкорай Көктөбе бауырында
Қасым Аманжолов көшесі жатыр тау жақта.
Таудың бұлағы қунап, құлдырап,
Баудың құрағы шулап сылдырап,
Қасым жырына жеткізе алмайды,
Бәрі жабылып, жабылып жыр құрап.



Пікірлер (0)

Пікір қалдырыңыз

Он жеті жастан, он сегіз жастан сүйгенмін

  • 0
  • 0

Он жеті жастан, он сегіз жастан сүйгенмін,
Жиырма бес ерек...
Отызда бөлек күйге ендім,
Отыз бесте де, қырық бесте де сүйгенмін,

Толық

Ерте келген күз айы

  • 0
  • 0

Ерте келген күз айы – тың жыртқан жыл,
Ерте жинап жайлау ел, етек-жеңін.
Салқын бұлттың сезді ме мекер демін,
Сарқопаға айналып, малын жайып,

Толық

Топырақ

  • 0
  • 0

...Туған жер, саған тағы да, міне, оралдым,
Қайтқан бір қаздай қоңыр төбеме қонармын.
Қоңыр төбеме қоңылтақсып бір қарармын,
Қабірін көріп былтырғы қайтқан ағамның.

Толық

Қарап көріңіз