Борыш

Қазақша өлең мәтіні, өлең жолдары және толық нұсқасы.

Лыпылдап түскеніммен жылдам көзге,
Мен жолдас таба алмадым жырдан өзге.
Қайғыны шабу керек қылышпенен,
Ай-күнің сені аялап тұрған кезде.

Арала дүниені ден сауында,
Бергені саған Құдай берсе ауылға.
Дайында қызыңа да жасауды ерте,
Тайын да көрсетіп қой асау ұлға.

Ұйқыдан жүр өзіңді кіл оятып,
Ойлану, ояу жүру - о да бақыт.
Әкелік борыш деген борышыңды
Ұмытып кетіп жүрме Құдай атып.

Жансың ба жаурағанға от беретін,
Жомарт бол аздың өзін көп көретін.
Ағалық борыш та бар атқаратын,
Бір өзің іні алдында өткеретін.

Қайғыны, бірге көрдік қуанышты,
Көгіне кеудемізден қыран ұшты.
Борыш бар азаматтық ел алдында,
Қалай да өтеу керек сол борышты.


Пікірлер (1)

Абайқызы Перизат

Ең әдемі мәнерлеп оқуға ынғайлы

Пікір қалдырыңыз

Жиі қойылатын сұрақтар

Борыш өлеңінің авторы кім?

Тұманбай Молдағалиев — осы өлеңнің авторы.

Борыш өлеңінің толық мәтінін қайдан оқуға болады?

Бұл бетте өлеңнің толық мәтінін онлайн оқуға болады.

Борыш өлеңі не туралы?

Бұл өлеңде Тұманбай Молдағалиев өз ойы мен сезімін көркем түрде жеткізеді.

Борыш өлеңінен үзінді бар ма?

Бұл бетте өлеңнің толық мәтіні мен шумақтары ұсынылған.

Осы автордың басқа өлеңдері