Жапырақ

Қайран жаз, қапы мезгіл қандай келте,
Шілдеде сүт пісірім таңдай келте.
Сызданып сарғайды өлке, жаурайды өлке,
Жайдақ жел жауар жонды баурайды ерте.
Жайдақ жел бозторғайдай шулайды ерте,
Желпілдеп қамысақ көл, қурайлы өлке.
Жайдақ жел ексінгенмен, тепсінгенмен,
Қырдағы қоңыр жиде сынбайды ерте.
Жалқын шаң, күлгін түтін көп сіңгеннен
Қаланың жапырағы қурайды ерте.

---