Өлең, жыр, ақындар

Мына дүние көктем сайын көктейді

  • 20.09.2020
  • 0
  • 0
  • 1980
Мына дүние көктем сайын көктейді,
Тағдыр адам мүмкіндігін шектейді.
Сені сүйіп өту үшін жалғаннан,
Жалғыз рет сүрген өмір жетпейді.
Бір-ақ рет сүрген өмір жетпейді,
Ал, табиғат қайта-қайта көктейді.
Адам шіркін қарбаласта сезбейді-ау,
Қадам сайын... бейіт жаққа беттейді.
Әр қадаммен бейіт жаққа беттейді,
Мән беруге, мұршасы оның жетпейді.
Бір-ақ рет сүретінім өмірді,
Күндіз-түні көкейімнен кетпейді.
...Жер бетіне жаңбыр жауса сіркіреп,
Көкейіме оралады бір тілек.
Аяулым-ау, саған жазған жырларым,
Көктем сайын көктер ме екен дүркіреп.



Пікірлер (0)

Пікір қалдырыңыз

Көрші

  • 0
  • 0

Қора жақта ескі күбі, орақ тұр,
Қаңқу сөздер бұл ауылда борап тұр.
Ыстық күнде тұт ағаштың қалғыған
Түбінде отыр мысық тышқан аңдыған.

Толық

Әлi серiк сол мұң менен

  • 0
  • 0

Әлi серiк сол мұң менен
сол қайғы,
Амал қанша жаз өткенмен күз келер.
Ақын адам жаман адам болмайды,

Толық

Қалжырағам бiр ойдан соң бiр ойдан

  • 0
  • 0

Қалжырағам бiр ойдан соң бiр ойдан,
Алданған соң
жалған жылы шырайдан,
Ұмыттыңдар арманы асқақ ақынды,

Толық

Қарап көріңіз