Сүю үшін жаратты Тәңір неге?

Сүю үшін жаратты Тәңір неге?
Бұл жүрекке жүрмейді әмір неге?
Әр мезеттің кірпігін санап тұрмын
Үнсіздікпен сен мені жәбірлеме...
Жаным күйіп тұрғанда - «Сабыр!»-деме...
Соқпай қалар секілді тамыр неге?
Буындыра берсе егер бұ сағыныш
Тыныш жата алмаспын қабірде де...
...Ұлардай боп шулап жүр тобыр неге?
Ойсыратты бұл сезім... обыр неме...
Тоқтап қалған сағатпен өзің жоқта
Тоқтап қалған секілді өмір кеме...

---