Өлең, жыр, ақындар

Әпкенің туған күніне арнау

  • 12.10.2020
  • 0
  • 0
  • 1708
Қара қыз, бауыр үшін аппақ айсың.
Тілегімді жаныңда сақтағайсың.
Алтын асық ұлдарың, жауқазын қыз,
Мамасының сенімін ақтағайсың.
Тектілер айтады екен тілекті үміт.
Белді бекем буғайсың, білек түріп.
Бауыр үшін жан берер алтын әпкем,
Арқасын ағайынға тіреп тұрып.
Жалған айтсам, сенер кім, иланар кім?
Қадірін түсірмеген жиған ардың.
Әпкесіндей азамат болсыншы деп,
Алланың Баймұратты сыйлаған күн.
Ақысын берген жанмын, төлеп қалған.
Бұл күннің қадірі асқақ, бөлек маған.
Бауырым мен баламның туған күні,
Көңілді көтеруге себеп маған.
Кездерім еске түсіп сол шақтағы.
Көзімнің домалайды моншақтары.
Анам мен келінінің бір күнде екен,
Бірі қызды, бірі ұлды толғатқаны.



Пікірлер (0)

Пікір қалдырыңыз

Өлең деген өсекші, тыңда мұны

  • 0
  • 0

Өлең деген өсекші, тыңда мұны,
Жұртқа жайып жүреді сырларымды.
Жан дүниеңді ақтарып тысын сөгіп,
Өзгеге жеткізеді мұңдарыңды.

Толық

Әпкелерге

  • 0
  • 0

Әпкелерді ұқсатам ақ кемеге.
Бауырмал болдың екен әпке неге?!
Қолқабысың тимесе, сыйламасаң,
Сенің құның көк тиын, -Әпке- деме.

Толық

Әніңе ғашық едім...

  • 0
  • 0

Талай мен сүрінгенмін,
Талайлар сүрінеді.
Інім-ау айтқан сөз не?
Бұл халқың түңіледі.

Толық

Қарап көріңіз