Дәурен Айманбетов

Жаным қысылып, жанып тұла бой

Бұл бетте «Жаным қысылып, жанып тұла бой» атты Дәурен Айманбетов жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

02.11.2020
0
0
1086

Жаным қысылып, жанып тұла бой,
Қанатын сермеп, талып қырағы ой.
Сағына берер өзіңді жүрек,
Қайырылмай мейлі зарықтыра ғой.
Зарықтыр және... Тағы да көкем.
Ақыры қоймай сағынады екем.
Арызым жоқ-ты, өзімнен көрем,
Махаббаттың бұл заңы да, не етем.
Сыңғырлап сәнқой сезімшіл бұлақ,
Оянды бақтар көзін сызғылап.
Келеді деп-ем, көктем боп ертең,
Оралды көктем, өзіңсіз, бірақ.
Келе де берер әлі сан көктем,
Тілегім солып, табысар көкпен.
Сонда да жүріп жолыңды бағам,-
Сағыммен бұлдыр жарыса кеткен.
Тосамын, тосам, біткенше өмірім,
Күмәнданса да тіптен сенімім.
Алдаса алдар, үмітімді үзбен,
Келместен менің күткен серігім.

Дәурен Айманбетов жаным қысылып жанып тұла бой Дәурен Айманбетов өлеңдері

Пікірлер (0)

Пікір қалдырыңыз

Жиі қойылатын сұрақтар