Жанат Жаңқашұлы

Қарағайлы

Бұл бетте «Қарағайлы» атты Жанат Жаңқашұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

16.11.2020
0
0
827

Қарағайлы,
Кеннен қалған мына тау,
Менен қалған мына тау.
Сыздауықтың орнындай,
Үңірейіп жатырсың,
Әй, жебір құрт, жебір құрт,
Іріңіңді сордың ба-ай?
Сорып-сорып сүлікше,
Білеудей боп толдың ба-ай?
Бауырымен жорғалап,
Баукеспе ұры, шолжың бай,
Емшектауды сорды да,
Сүтін де бітірді,
Құтын да бітірді,
Сүтке тойған бұзаудай,
Құйрығын көкке шаншып ап,
Әй, ойқастап құтырды,
Зауалды күнің келер деп,
Көкте Тәңірі көрер деп,
Қарағайлының басына,
Қара қайғының басына,
Айменен қойдым үтірді.

Жанат Жаңқашұлы қарағайлы Жанат Жаңқашұлы өлеңдері

Пікірлер (0)

Пікір қалдырыңыз

Жиі қойылатын сұрақтар