Өлең, жыр, ақындар

Әке бейітінің басында

  • 22.12.2020
  • 0
  • 0
  • 600
Асқар тау, алып нар тұлғам,
Ұланың келді артыңнан.
Өмірден мынау өзіңсіз
Өткізіп уақыт сан жылдар.
Осынау кезең ішінде
Оралып оңға ісім де,
Қол жетті талай нәрсеге
Талпыныс еткем үшін де.
Шаттыққа толы кездерім
Өзіңді талай іздедім.
Кей арман болды табысым,
Дей алман бірақ: «сезбедің».
Сәттерім де көп сүрінген,
Шарасыздығым білінген,
Бойдағы міндет салмағы
Ауырлап белім бүгілген.
Сын шығар бәлкім бұл маған,
Ол үшін артпан мұң саған.
Көшімді жүре түзетіп,
Күшімді жұмсап шыңдалам.
...Асқар тау, алып нар тұлғам,
Ұланың келді артыңнан.
Жәрдем болсын жаныңа
Аятым Хаққа айтылған.



Пікірлер (0)

Пікір қалдырыңыз

Құтты қонақ

  • 0
  • 0

Маңғыстау – биік тұтқан үй-жалауын,
Бар бізде мейман күтер күй жоғары,
Толтырып төрін құттыханамыздың
Қош келдіңіз, көп күткен сый қонағы!

Толық

Ғашықтар

  • 0
  • 0

Жер-егісті суарып диқан-аспан,
Найзағайдың жарқылы ұйқымды ашқан.
Түні бойы гүрілі маза бермей
Жайым мынау жүзімнен сиқым қашқан.

Толық

Әке туралы ода

  • 0
  • 0

Абзал жан ең, тұла бойың нұр тұнған,
Тірек едің бізге қолын ұмсынған.
Арамызды ажыратты, амал не?
Алып ажал келді дағы тылсымнан.

Толық

Қарап көріңіз