Өлең, жыр, ақындар

Дерматоглифика

  • 23.12.2020
  • 0
  • 0
  • 548
(...-қа)
Дей бер мейлі мұны жаңсақ мағына,
Мен өзіңнен бір сыр аңсап жаныма,
Үңіліп ем нәзік алақаның мен
Сүйрік саусақтарыңа.
Бұл болжамның түспесе де тасы нық,
Ынтық қылған қызыққұмар жас үміт.
Алақаның құпиясын ашпады
Жан сырыңды жасырып.
Одан дағы тани алмай түзу заң,
Көптен күткен кәусар көңіл бұзылған.
Балалықтың ізі әлі кетпепті
Саусағыңа сызылған.
Көрген сайын шиыр сырлы әр ізді,
Періштені тани түсем жаны ізгі.
Бой жеткенің ересектік емес тек,
Ой жеткенің маңызды.
Ол үшін де айтпан саған бекер сын,
Бұл сөзімді ренішсіз көтер шын.
Ең бастысы мендік сәруар сезімді
Қашан ұғар екенсің?
Әр ісіммен саған ылғи жайғам сыр...
(Түк сезбеген түйсігіңе қайранмын).
Осынау бір бала көңіл, бейкүнә
Мінезіңнен айналдым!



Пікірлер (0)

Пікір қалдырыңыз

Әке туралы ода

  • 0
  • 0

Абзал жан ең, тұла бойың нұр тұнған,
Тірек едің бізге қолын ұмсынған.
Арамызды ажыратты, амал не?
Алып ажал келді дағы тылсымнан.

Толық

Ақбөбек – арман

  • 0
  • 0

Кемді күннен тапқандай нақ керегін,
Қос ғашықтың жырынан бақ көремін.
Қайып сері – құрбаны сағыныштың,
Шаһит кешкен армандап Ақбөбегін.

Толық

Дұға етемін өзіңнен

  • 0
  • 0

Күнәларым көп, білем, пенделігім,
Пенде болып күн кешкен мен де кұлың.
Қателікті кешірер сипат тілеп
Дұға етемін Өзіңнен, ей, Ұлығым!

Толық

Қарап көріңіз