Айнам, маған үндемейтін жан дейсің

Айнам, маған үндемейтін жан дейсің,
Айтылмаған сырым саған бар кей, шын.
Жүректегі жазуларды жеткізер
Тіл мүдірсе, жыр кідірсе қайтерсің?
Мәнді өлеңнің таба алмай ырғағын,
Бұйырмастан кешеуілдеп жүр бағым.
Көкіректе сайрап жатқан сыр барын
Аңғартса деп армандаймын жырларым.
Кеудедегі кенді қашан ақтарам?
Сонда ғана мәңгі жасар бақ табам.
Өмір шіркін жеткізер ме, білмеймін,
Көңіл бірақ сол бір аңсар шаққа зар.
P.S.: Айнам, маған үндемейтін жан дейсің...
Білемін.

---