Өлең, жыр, ақындар

«Гүлдер» шағын ауданы

  • 02.01.2021
  • 0
  • 0
  • 587
«Бұлбұл құс туған жерден гүл іздейді...»
Бәкір ТӘЖІБАЕВ.

Гүлі қайда?
Мына маңды тас басқан,
Аспанымен тас қабырға астасқан.
Біреу бұған ат қойыпты «Гүлдер» деп,
Жан ба екен даламенен қастасқан?!
Мен бұл маңға жиі келем көктемде,
Көз салғым кеп гүл жайнаған бөктерге.
Гүл орнына күл уыстап қайтамын,
Әлде олар да тасқа айналып кеткен бе?!
Бетон үйдің безергенде бет-өңі,
Жүрегімді аяз қарып кетеді.
Маған арман — даладағы дарқан күй,
Маған арман — қырмызы қыр етегі.
Сағынғанмен, аңсағанмен даланы,
Қалай қиып тастап кетем қаланы!
Тас көшеде тайғанақтап табаным,
Жүрегім де тасқа айналып барады...



Пікірлер (0)

Пікір қалдырыңыз

Сары арқа, салқар сағым далам-ай

  • 0
  • 0

Сары арқа, салқар сағым далам-ай,
Толқын да толқын көзді арбар.
Көлге бас қойып дамылдағандай,
Жезкиік қырлар, жез таулар.

Толық

Қайыршы

  • 0
  • 0

Мен кеше көрдім сұп-суық өңін тірліктің,
Безеріп беті, көзінің нұры суалып,
Қарайды маған.
О, оның сұсы сұмдық тым.

Толық

Ақтоғай

  • 0
  • 0

Тағдыр ләмі тізілетін тақтадай
Жадыма әкеп жазып берген Һақ-талай.
Жүректегі жырларымның ұйқасын,
Сенен табам, сенен алам, Ақтоғай!

Толық

Қарап көріңіз