Өлең, жыр, ақындар

Түнде – өлімен, күндіз тірі пенделермен тілдесем

  • 12.02.2021
  • 0
  • 0
  • 996
Түнде – өлімен, күндіз тірі пенделермен тілдесем,
Бірде – тірі, бірде – өлікпін. Екі жақты күн кешем.
Мұхаммедтің сұлбасына тәуеп етем түнде ылғи,
Ал, оянсам – қыбарғада тұрар қаңсып Күн көсем.
Төсегімнен бас көтерем – бейнеттерге жегілем,
Азаптанам, өлмей қалам – ит жандымын тегі мен.
Кешкі іңірде құлай кетем титықтап кеп іргеге,
Сол заматта-ақ шыға берем тіршіліктің шегінен.
Отырамын өлілердің ортасында баяғы,
Еш ойланбай мені де олар аруаққа саяды.
Шай ішеміз арқа-жарқа әңгімені ағытып,
Тұт ағашы тербеледі көлеңкелі, саялы...
Түнде: өлімін – Аруақпын, күндіз тірі – пендемін,
Жетіп жатыр бас қатырып санай берсең менде мін.
Сүрепетім – обырлардың, қомағайдың ыпыны,
Алсам деймін, жисам деймін дүниенің ең көбін.
Қу тірліктің дәргейінде тағдырымның тізгіні,
Ғұмыр дейміз, өмір дейміз тайынбастан біз мұны.
Аңғарлы адам аруаққа айналғанды аңсайды,
Сол бір жақта кездестірер жарықта жоқ ізгіні.



Пікірлер (0)

Пікір қалдырыңыз

Өмір сүргім келмейді

  • 0
  • 0

Өмір сүргім келмейді – күңкіл ... майдан,
Аяғыма оралды мың түрлі айлаң.
Туырылған өңезі қу тірліктің,
Өмір сүргің келеді құлқың қайдан?

Толық

Жер айналды күні үшін

  • 0
  • 1

Жер айналды күні үшін
Жаратқанның жанарын,
Ішті өзі үшін маскүнем қойнындағы
Арағын.

Толық

Қарашада қалқиған жаппадайын

  • 0
  • 1

Қарашада қалқиған жаппадайын,
Үмітімді адасқақ қақпалаймын.
Ер үстіне мінгенмен,
Бере алмаспын,

Толық

Қарап көріңіз