Корейская косметика премиум класса

Өмірге

"Өмірге"

Біреуге ұнап, біреуге ұнамаған.
Біреу шыдап, біреулер шыдамаған.
Бақытпенен мұңы бар бұл өмірдің,
Қандай сыйы бар екен, мына маған.

Уақытымен қуантып келер ме екен,
Бақытымен байлығын берер ме екен,
Жүректегі жараның бәрін емдеп,
Қайғы-мұңды жоғалтып жеңер ме екен?!

Әлде мұңың әкеліп қинайды ма,
Жамандықтың барлығын жинайды ма,
Секунд сайын дүрсілін қағып тұрған,
Жүрегіме зар-мұның сыйлайды ма?

Не болсада жарайды, көнеміз ғой,
Бүгін жансақ бір күні сөнеміз ғой.
Маңдайға жазылғаны сол болса егер,
Бақытты да, мұңды да көреміз ғой.

©Нұрхат Қизатұлы


Қарап көріңіз


×