Аңыз адам - Бауыржан Момышұлы

Аңыз адам
(Бауыржан Момышұлына арнау)

Аңыз адам - Бауыржан Момышұлы,
Шыққан тегі иманды, өнегелі.
Имаш ата - батагөй, ақын болса,
Ал, Қызтумас әжесі - ертегіші.

Атасынан үйреніп даналықты,
Әкесінен үйренген ұсталықты.
Ақын, шешен, сауатты, зергер, батыр,
Ер әкесі, қаһарман ұл өсірді!

Жаттап өсіп қазақтың фольклорын,
Шебер біліп қазақтың көне сөзін.
Отыз сағат отырмай дәріс оқып,
Сарбаздарға үйреткен соғыс өнерін.

Дивизия басқарған ер қолбасшы,
Даналықпен дайындап сарбаздарды.
Соғыстан соң аңыз боп Еуропада,
Александр Бек оған кітап жазды.

Батыр ата соғыста жүрсе-дағы,
Қолынан түскен емес қаламсабы.
Майданда отыз сегіз кітап жазған,
Қазақтың өткір тілді қаһарманы!

Гүлмекен Қасенбай
17.12.2024

---