Әділбек Ыбырайымұлы

Кеспіріңді кескіндеген тым қатал

Бұл бетте «Кеспіріңді кескіндеген тым қатал» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.02.2021
0
0
672

Кеспіріңді кескіндеген тым қатал,
Өседі ме аңызақты құмда тал?
Сексеуілдей қасіретті бейнесің,
Бір күлгенің, мұңлық анам, қымбат ал.
Жаулығыңнан самай шашың үрпиген,
Шықпаушы еді бір кездері жұрт үйден.
Тұзын шашып ойнап жүрді сорыңның,
Қу тағдырың қабақ-қасы кіртиген.
Аңылжыған аспан асты, апшыған,
Көз жазуда мамырстан жақсыдан.
Бірін – жерге, бірін – торға қаматып,
Олшидың да қала бердің топшыдан.
Қатер, кесел ашты аяусыз аранын,
Жоқтығынан мәңгүрт болдық шараның.
Қанжығасыз жол жүрмейді жылқышы,
Жасаурайды амалсыздан жанарым.

Әділбек Ыбырайымұлы кеспіріңді кескіндеген тым қатал Әділбек Ыбырайымұлы өлеңдері

Пікірлер (0)

Пікір қалдырыңыз

Жиі қойылатын сұрақтар