Өлең, жыр, ақындар

Бір келіншек

  • 17.04.2015
  • 1
  • 3
  • 29639
Емханада бар еді бір келіншек,
Емделуге, асқа да бір келуші ек.
Ерлі-зайып адамдар деп қалатын,
Ертелі-кеш екеуміз бірге жүрсек.
Көлеңкесіз көңілді жатқа бұрмай,
Сөйлестік асып-тасып ақтарылмай.
Әсерлі қарапайым әңгімеміз,
Жазысқан ғашықтардың хаттарындай.
Сырластық адам жайлы, заман жайлы,
Өмір жайлы, жақсы мен жаман жайлы.
Жасырамыз біріміз-бірімізден,
Әңгімеміз әріге бара алмайды.
...Иесі келіп бір күн алып кетті,
Байқаймын, бір келіншек налып кетті.
Сауығып қалғандай ем саясында,
Сыр кетті, сырмен бірге жарық кетті.
Айықтыра қоймады бекер үміт,
Жазылатын жайым жоқ жеке жүріп.
Төрт бүктеліп төсекте жатып қалдым,
Қаным менің қайтадан көтеріліп.



Пікірлер (3)

Мухаммад

Мұқағəли ағам...нағыз ақын,нағыз адам,нағыз ғащық,əр жағынан нағыз...

Ғани

Өте күшті өлең екен!!

Пікір қалдырыңыз

Әке

  • 3
  • 75

Әке, сенің жасыңнан асып барам.
Кезі-кезі келгенде тасып та алам,
Кезі-кезі келгенде жасып қалам,
Мына өмірге, бәрібір, ғашық балаң.

Толық

Осы бір шірінді — құнар

  • 0
  • 1

Бәрі жақсы-ау,
бір нәрседен секем алып қалдым мен,
Мен де кетем орманнан, сайрандаман шалғынмен,
Бара алмаймын шешініп,

Толық

Таудағы көктем

  • 1
  • 11

Сай-саланы,
Аймалады,
Жоталардан жел есті.
Көк қарағай.

Толық

Қарап көріңіз