Өлең, жыр, ақындар

Атжабу

  • 12.02.2021
  • 0
  • 0
  • 709
Ақ қозының ақ жүнінен басылған,
Ат жабуды көріп өстім жасымнан.
Ащы терін сан жүйріктің алғанмын,
Сан пырақтың бағы солай ашылған.
Өтті дүлдүл небір керім шұлғитын,
Ұстаушы едім қыл бабында ылғи тың.
Сәйгүлікті қымтаймын деп таң асқан,
Неше мәрте бұзылған-ды түнгі ұйқым.
Осы қызық шақтарымнан жырылып,
Кеттім ұзап, жетеледі бір үміт.
Әкем де өтті дүниеден аумалы,
Бәлкім содан келем жиі сүрініп.
... Жеткем аңсап ауылымның қырқасын,
Қалдым ұстап атжабудың жұрқасын.
Арғы жылы тым құрмаса сиырға,
Жабылушы ед бола қалса бұрқасын.
Өртедің-ау өзегімді бебеу, шын,
Өзің едің ширықтырар жебеушім.
Сағынғанда мұражайдан көремін,
Менің құрақ көңіліме демеусің.



Пікірлер (0)

Пікір қалдырыңыз

Ұйқым менің келмейді

  • 0
  • 1

Ұйқым менің келмейді,
Арбасамын,
Тауға соғып басымды, жар басамын ...
Адымымды

Толық

Түнде – өлімен, күндіз тірі пенделермен тілдесем

  • 0
  • 0

Түнде – өлімен, күндіз тірі пенделермен тілдесем,
Бірде – тірі, бірде – өлікпін. Екі жақты күн кешем.
Мұхаммедтің сұлбасына тәуеп етем түнде ылғи,
Ал, оянсам – қыбарғада тұрар қаңсып Күн көсем.

Толық

Толқынды өмір білемін

  • 0
  • 0

Толқынды өмір білемін
Ырқыңды алған,
Тосып жүрдің еріксіз бір күнді алдан.
Жолықпадың

Толық

Қарап көріңіз

Басқа да жазбалар