Өлең, жыр, ақындар

Үлбіреген нәп-нәзік шырқың қандай?

  • 13.02.2021
  • 0
  • 1
  • 941
Үлбіреген нәп-нәзік шырқың қандай?
Қарай берем көзіңе тылсым бардай.
Тылсым бардай, жүрегім қымсынғандай,
Жарар еді тіл қатсаң тыншымды алмай.
Ғашық болған пендеде бар ма тыным?
Мөлдіреген сезімім – шарбат, ұғын.
Кенеуі жоқ тірліктің қара судай,
Қарашы енді көзден жас парлатуын.
Ынтық еттің, аңырдым ындын құрып,
Бара жатыр құштарлық қылғындырып.
Паршалады нәуетек жүрегімді,
Түйдектеліп қап-қара мың мұң кіріп.
Күлу деген бұл күні санаға жат,
Ажарынан айрылды дала ғажап.
Аяулым-ау, көңілім жамау-жамау,
Сары ала қаз секілді алабажақ.



Пікірлер (1)

Пікір қалдырыңыз

Дәрухана

  • 0
  • 0

Дәрухана.
Көңіл де салқындаған,
Жоқ жанымда достарым аңқылдаған.
Күннен-күнге меңдейді тәнімді дерт,

Толық

Құлақтанып

  • 0
  • 0

Құлақтанып,
Аязға
Күн батады,
Түнде менің жұлдызым тіл қатады.

Толық

Оқиға

  • 0
  • 0

Ұя салды қарлығаш қабырғаға,
Селт етпеді
Үйдегі дабырға да.
Үркітпедік,

Толық

Қарап көріңіз