Өлең, жыр, ақындар

Боқжамамды көтеріп бостым, лақтым

  • 14.02.2021
  • 0
  • 1
  • 584
Боқжамамды көтеріп бостым, лақтым,
Жалын жуды көз жасым қос құла аттың.
Сіреп түскен санама сары уайым,
Енді кімді басқадай дос қымақпын?
Сарыарқаны сабылып, сенделемін,
Қу дүние қаңбақтай дөңгеледің.
Басым қайда қалады?
Сол – дүдәмал,
Берсең берші, көрейін, жөндеп өлім.
Қос құланы кезектеп жетеледім,
Келе жатыр танытып көкеме мұң.
... Күпселенген күртікті күрт-күрт тарпып,
Іздеп қояд тұқылын бетегенің.
Сыр бермейді қос пырақ қабырғалы,
Әппақ түзде қанша күн мамырлады.
Сүйегіне қарысқан қос сәйгүлік,
Жүрсе қуат көрсетер, қарымды әлі.
Бірақ қайда?
Жағады пендеге кім?
Сенде де мін табылар, менде де мін.
... Бірін мініп, біреуін жетекке алып,
Көкжиекте көрінбес сенделемін.



Пікірлер (1)

Пікір қалдырыңыз

О дүниенің қоңырсы исі жайлаған

  • 0
  • 0

О дүниенің қоңырсы исі жайлаған,
Түсініксіз көрінеді айналам.
Кейде – өлімін, кейде тірі күн кешем,
Бұ жалғаның жұмбақ қалар әй, маған.

Толық

Шыңырауда өсетін

  • 0
  • 0

Шыңырауда өсетін
шұғынығым,
Жүрегімнің «сен» деген сырын ұғын.
Мұқап мені жатса да бейопа күн,

Толық

Ымым шықпай

  • 0
  • 0

Ымым шықпай,
Дымым шықпай тұншықтым,
Жанарымда, жүрегімде мұң ... шық ... мұң ...
Қарашыққа қасіреттен тұрды қақ,

Толық

Қарап көріңіз