Әділбек Ыбырайымұлы

Аталардың жалғастырып

Бұл бетте «Аталардың жалғастырып» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

14.02.2021
0
1
765

Аталардың жалғастырып,
Арманын,
Алға басып,
Бара жатыр тармағың.
Әкелерім «Капиталды» жаттады ...
Өкініштен шайнап отыр,
Бармағын.
Бабам менің құранына
Иланған,
Ажырамай өтті бақи иманнан.
Салқын шалған сананы әбден
Қалдық кіл,
Тілсіз, дінсіз бәлекеттер жиналған.
Тексіздікпен іс тындырдық теңдессіз,
Буынды алса,
Жұрындықты жеңбессіз.
Партияның біз де оқыдық тарихын,
«5» алуға
ұмтылдым-ау, мен де ессіз.
Ділсіздіктің тиді маған
Шалығы,
Болып жүрдім сап алдында –
«тап» ұлы.
Қайдан білсін сәби көңіл,
Көп жайды,
Мен Қазақтың баласы екем – анығы.
Аталардың іске асса екен,
Аңсары,
Міне, міне!
Білінді енді таң сәрі.
Ұлы Қазақ Даласының түлегі,
Шаруаң бар басталмаған,
Қанша әлі!..

Әділбек Ыбырайымұлы аталардың жалғастырып Әділбек Ыбырайымұлы өлеңдері

Пікірлер (1)

Пікір қалдырыңыз

Жиі қойылатын сұрақтар