Өлең, жыр, ақындар

Есейдім бе?

  • 14.02.2021
  • 0
  • 1
  • 1513
Есейдім бе?
Өзгерді әйтеу танымым,
Әкемді де
Енді ғана таныдым.
«Ит басына іркіт төккен»
Күнде де,
Дәнеңесіз қалған менің халығым.
Қайран жұртым,
Басқа киген жарбайың,
Оңып күнге,
Далаңдайтын әрдайым.
Милығыңда тұрушы еді
Қайғы-мұң,
Оң бүйірден туатұғын бар ма Айым?
Мадақтадық
Бір кездері «тап» ұлын,
Содан ғана көретіндей тағылым.
«Шынжыр балақ, шұбар төстер»
Нақ солар,
Езгі көрдің,
Ес жия алмай халығым.
Лекторларың жаулады елдің
Нанымын,
«Тек Күн Көсем – көк жүзінде алыбың».
Ұғындырды.
КОКП-ның тарихын:
Өз тарихым деп түсінді
Халығым.
Тірлік солай:
Бірде – жоғың, бірде – бар,
Құдай берсе, бақ қонады
Іргеге әр.
КОКП жоқ,
«Содырлары» сойылшыл,
Аппаратқа қызметке кірді олар.
... Енді ол жерде
белгісіздеу кім болар?..



Пікірлер (1)

Пікір қалдырыңыз

Үрейді алып, мысты басып

  • 0
  • 0

Үрейді алып, мысты басып,
Қарашықты шел қаптады.
Мына күннің ыстығы асып,
Ми қайнатты шөлде аптабы.

Толық

Азғырынды, бәтуасыз сөзге еріп

  • 0
  • 0

Азғырынды, бәтуасыз сөзге еріп,
Кешші жаным, кетіппін ғой өзгеріп.
Менің милау екенімді білген де,
Жадылаған бір жылмиған көз ... көрік.

Толық

Қара кер ат астымда жайтаңдаған

  • 0
  • 0

Қара кер ат астымда жайтаңдаған,
Нөпір халық сұқ қадап, «пай-пайлаған».
Делебемді қоздыртты дақбырт, мадақ,
Жазық болып көрінді қайқаң маған.

Толық

Қарап көріңіз