Жидебайдың басындағы ой

Бұл бетте «Жидебайдың басындағы ой» атты Әділбек Ыбырайымұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 14.02.2021
  • 0
  • 1
  • 939
Жапан дала.
Жидебай – желі улеген,
... Тайсақтадым жұртыңа келуге мен.
Желең шапан үстіңде, шықтың сыртқа,
Бір сен үшін тіпті жат өлу деген.
Мәңгі-бақи тұрғыны Жидебайдың,
Таусылмады түзде – шер, үйде – қайғың.
«Өңшең қиқым» қазақты қосамын деп,
Жүрегіңді жаныштап, биледі-ай мұң.
Жынды дауыл жынданып, жінігеді,
Топан қысса, кімді кім біліп еді?
Саған тиген қамшының ащы ұшы кеп,
Осып түсер секілді түбі мені.
Сендік тағдыр жүректі қозғағасын:
Ел аузында, Ұлы Абай, сөз боласың.
Құшағында Ділдәнің – Данышпансың,
Тоғжанның жанында бозбаласың.
Ойың – құзарт.
Тамсанам: «Пай-пай алмас!»
Сен болмасаң бір қазақ айта да алмас.
«Өлең, сөздің – патшасы» деп кетіп ең,
Қара сөздің – Құдайы, қайталанбас.
Баласы едің тым балдыр Бақанастың,
Бұйымтайын қумадың аталастың.
Пайғамбарға айналдың құдіретті,
Түспейтұғын аузынан – аты Алаштың.
Ойлайтыны – қамы елдің, бар ұлының,
Шықпай кетті, ішіңде қамырығың.
... Мен де сендей аһ ұрған айла таппай,
Қайғы деген халықтың қара ұлымын.


Пікірлер (1)

Пікір қалдырыңыз

Жиі қойылатын сұрақтар

Жидебайдың басындағы ой өлеңінің авторы кім?

Әділбек Ыбырайымұлы — осы өлеңнің авторы.

Жидебайдың басындағы ой өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жидебайдың басындағы ой өлеңі не туралы?

Бұл өлеңде Әділбек Ыбырайымұлы өз ойы мен сезімін көркем түрде жеткізеді.

Жидебайдың басындағы ой өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері