Өлең, жыр, ақындар

Ғасыр, Ғасыр!

  • 14.02.2021
  • 0
  • 1
  • 649
Ғасыр, Ғасыр!
Ит тірлікті сапырған,
Көкейіңде
Ұйып қалған жатыр қан.
Жүзжылдықта жанкештілік
Кештік біз,
Болды талай
Арыстандар ақырған.
Жинап жүрміз жақсылықты там-тұмдап,
Мейірімге
Өгейсінген халқым хат.
Озбырлығы талайлардың өлтірді,
Хайуандар –
Тақ мінгендер алтындап.
Келеді әрең,
Ілбіп басып шерлі елім,
Шапан етіп жамылыпты жөргегін.
Марқасқалар маңып кетті,
Мандымай,
Кісеннен соң дайын тұрды көр, кебін.
Жезтырнақтар салды аямай
Шеңгелін,
Тарттық соның залалының ең көбін.
«Кемелденген» кезімізді көрмек боп,
бекер босқа зая кетті
еңбегің.
Аянышты,
Қарап тұрсаң қайғылы,
Әлдекімнің асқақтайды
Айдыны.
Кәрі ғасыр
Таяққа тұр сүйеніп,
Жақын қалған тоқалының
Ай-күні.



Пікірлер (1)

Пікір қалдырыңыз

Жабыңқылық көремін жамалыңнан

  • 0
  • 1

Жабыңқылық көремін жамалыңнан,
Таусылдың ба мені іздеп табаныңнан.
Дірілдейсің қырдағы жауқазындай,
Сәл ертерек үзілер сабағынан.

Толық

Қажытып, мезі етті ме сандырағым?

  • 0
  • 1

Қажытып, мезі етті ме сандырағым?
Ой кешіп, көз ілмей-ақ таңға ұрамын.
Әкемнен қалған ептеп бұл жалғанға,
Басталмақ басы менен, бар мұраның.

Толық

Ақзер қыз

  • 0
  • 0

Ақзер қыз,
Сарыны өлең санадағы,
Айдыным тарылғандай шағалалы.
Көгімде қалықтаған көгілдірім,

Толық

Қарап көріңіз