Өлең, жыр, ақындар

Біздің Дала

  • 21.02.2021
  • 0
  • 0
  • 1456
Біздің Дала
Бергі жағы Сүленің,
Тастап кеткен Даңқтықтың
Сілемін.
Кісінеген естіледі жылқы үні,
Иесі кім екенін де білемін.
Қайсар едің, қаһарлы едің
Ұлы Елім.
Қыпшақтардың
Арбасында
Айбын бар,
Қанатты кең,
Бір құрлыққа жайдыңдар.
... Дешті Далаң,
Көшті Далаң кімдерге?
Тынық мұхит секілденген қайғым бар.
Үзілді де
Бабам тартқан адырна,
Сөгілді әттең жау қолынан
Қабырға.
Қайта тұрды жеті ғасыр өткен соң,
Қыпшақ қаны тулап жатыр тамырда.
Тағы бізге
Сор бермесін Тағалам,
Қалды артымда «86».
Қан. Алаң.
Ту сыртымнан садақ тартса,
Әлдекім,
Сөгілмесін кеудемдегі баданам.
Өлсем – өлем,
Жұлқыласып жағадан,
Шама келсе
Жан беремін, жан алам.
Мамырстан Дешті Дала,
Қыпшақ жұрт,
Ақтық жолда мен боламын
Садағаң.
Біздің Дала
Бергі жағы Сүленің,
Отан-Анам – Қазақстан.
Сүйемін.
Тәуелсіздік Туын тіктік,
Тік тұрып,
Сенде тудым,
Сенде қалсын
Сүйегім...



Пікірлер (0)

Пікір қалдырыңыз

Құрдасы бар әкемнің үзеңгілес

  • 0
  • 0

Құрдасы бар әкемнің үзеңгілес,
Араладым соны іздеп, күземді бес.
Балағаттап кетуші ем, балалық-ай,
Артықтау ғой. Білмеймін, түзелді ме ес?

Толық

Балға

  • 0
  • 0

Құл базары –
Адамды саудалаған,
«Тауар» тұрған көңілім аулаға алаң.
Күңі бөлек тізілген, құлы бөлек,

Толық

Терезесі көңілдің шытынады

  • 0
  • 0

Терезесі көңілдің шытынады,
Жүрегімнің аңғарсақ жұпыны әні.
Сылқ-сылқ еткен бұлақ та күлмес бүгін,
Көз қаратпас қызыл күн тұтылады.

Толық

Қарап көріңіз