Өлең, жыр, ақындар

Алғидың ала шөлі

  • 21.02.2021
  • 0
  • 0
  • 770
Алғидың ала шөлі ...
Айна тақыр,
Жанымды күйдіргенше,
Қайнат ақыр.
Көк мұнар көк жиекті көлкештейді,
Барсаң да құтылмассың
Қайда, пақыр ...
Шаршысын түзеп тартты шыжыған күн,
Аңылжып тұрған сәтін бұзып алдым.
Шүйліккен шүйіп жүріп,
Түз қыраны,
Айтсаңшы,
Қайда екенін құжыраңның?
Сілтібас тырбық біткен
Қылтанақпын,
Білмейтін сырын мүлде бұ танаптың.
Жұлдызы быжынаған шілде түні,
Қойныңа ал,
Керегі жоқ бұлталақтың.
Ит жылғы өші бардай апшыған Күн,
Қақпайды көкжасықты топшыдан кім?
Жүгірген атанақтай заман мынау,
Ұл қалмас,
Қалады тек жақсыдан мұң.
Алғидың ала шөлі ...
Айна тақыр,
Жанымды күйдіргенше, Қайнат ақыр...



Пікірлер (0)

Пікір қалдырыңыз

Қара ат көрдім жапанда лаға безген

  • 0
  • 0

Қара ат көрдім жапанда лаға безген,
Сәйгүлікке құмар ем бала кезден.
Ұлытауды кісінеп үш айналды,
Мөлт-мөлт етіп ыстық жас тана көзден.

Толық

Шырғалаң, ұғынбас жан аңдап

  • 0
  • 1

Шырғалаң, ұғынбас жан аңдап,
Жүрмейді арбамыз, шабан ба ат?
Керзаман кесірі кеулейді,
Көңірсік кеудемде жалаңдап.

Толық

Ғарышкер Тоқтар Әубәкіровке

  • 0
  • 0

Бетегелі сардала сағым жапқан,
Астық берген саң мың пұт – шағың мақтан.
Байқоңырың – ғарыштың дарбазасы,
Сүрен салып, әлемге дабыл қаққан.

Толық

Қарап көріңіз