Өлең, жыр, ақындар

Таудай толқын ұрады

  • 21.02.2021
  • 0
  • 0
  • 564
Таудай толқын ұрады
Қыспаққа алып,
Жүрегіңді суырып, ұстап қалып.
Алып кеме
Жаңқаша шырқ айналды,
Шықпайтыны белгілі,
Ұшпаққа анық.
Есі кетті капитан
Ағылшынның,
Құдай өзі алмақшы жанын сұмның.
Палубада құл-күңдер кісендеулі,
Босататын оларды
Табылсын кім?
Бола қойсын иттікке қандай шүбәң?
Аттанарда порттан бір
Дандайсыған,
Күң қолынан жұлып ап нәрестесін,
Сатты айуан,
... Айдаған ал, қайсы дәм?
Сәби кетті шырқырап,
Шарылдаған,
Сегіз айлық,
Сүттен де арылмаған.
Қарау, дүмше сайтандар құрбан шалмақ...
Дамбалына түйеді
Арын Ғалам.
Шеше қалды
Айрылып көкірегі,
Шашын жұлып, екпеттеп өкіреді.
Айдыны асқан әбілет одан сайын,
Тепкіге сап Ананы
... Жекіреді.
Көздің жасын шыра етті –
Бар амалы,
Көңілі де, өмір де – қараң, әні.
Шерлі жанмен шерленіп дойыр мұхит,
Тулап шықты ашылып,
Бар араны.

Капитан жүр ес-тұстан адаланған,
Долы толқын долданып,
Сабаланған.
... Балықтарға жем болды байлық-ниет,
Түк те қалмай пенделік мағанаңнан.



Пікірлер (0)

Пікір қалдырыңыз

Екінші тыныс

  • 0
  • 0

Қос өкпемді қысты менің түнек дым,
Дімкәстікпен айлар жылжып, жыл өттің.
Денсаулығым ештеме емес, азғаным,
Езіп-жаншып, жан дүниемді жүдеттің.

Толық

Тұман торлап, сананы саудалаған

  • 0
  • 0

Тұман торлап, сананы саудалаған,
Таусылмайды сұрақтар қаумалаған.
Езілсе де ет-жүрек қасіреттен,
Маңғаздықты мен қалқам, таудан алам.

Толық

Салдыртып сандал керді сабыламын

  • 0
  • 0

Салдыртып сандал керді сабыламын,
Шарқ ұрам жамалса егер жаныма мұң.
Кезбе бір планета секілденіп,
Кездейсоқ кедергіге шағыламын.

Толық

Қарап көріңіз