Өлең, жыр, ақындар

Нұртас Оңдасынов

  • 21.03.2019
  • 0
  • 0
  • 3533
Пенсияға кетем деп ойламаған, -
Басын іске бағыштап қойған адам.
Басқамызша мақтатып өзін-өзі,
Елу жасын шулатып тойламаған.
Көрген емес ешкімге өзін пұлдап,
Алдамайтын көзімен я жылпылдап.
Мол тануға, білуге құмартатын,
Үлкеннің де, кішінің сөзін тыңдап.
Көп аралап кететін кең өлкесін,
Көру үшін байтақ жұрт берекесін,
Егіншімен қырманда бірге түнеп,
Қызықтасқан қойшының мерекесін.
Алай-түлей ақборан соққан қарда,
Айдалада қос тігіп жатқандарға
Сәлемдесе баратын, жәрдемдесе,
Сарыарқаға Сырдан жол тартқандарға.
Астанам деп сүйетін Алматысын,
Тек жақсылық іздейтін Алматым үшін,
Ортасынан өткізсем - деп ойлайтын,
Айдап әкеп Іленің аққан күшін.
Сол арманшыл адамды Нұркем деп,
Сыйлаушы едік азамат, ер екен деп,
Бүгін - дағы сүйсініп сөз етеміз:
Тұр екен деп Мәскеуде, тірі екен деп.



Пікірлер (0)

Пікір қалдырыңыз

Құрдастар

  • 0
  • 0

Гүлжан мен Нұржан маған құрдас еді.
Бірге өскен екеуі де сырлас еді.
Панасыз интернатқа бірге кірген,
Жетімек жеті жастан мұңдас еді.

Толық

Тағы да өзім туралы

  • 0
  • 0

Таң сәріден, түннен кейін, -
Күннен бұрын ояндым.
Жастығымда жатыр басым жып-жылы
Көжегіндей қоянның.

Толық

Бір сыншыға

  • 0
  • 0

Оқимын да жазғаныңды қорқамын,
Бұл не қылған мүсәпір деп аяймын.
Айнымады - ау баяғы бір жортағың,
Танымайсың таңбасын да бояудың.

Толық

Қарап көріңіз