Өлең, жыр, ақындар

Дәния мен Сәния, қарағым-ай

  • 21.02.2021
  • 0
  • 0
  • 932
Дәния мен Сәния, қарағым-ай,
Қу көңілім сендерді табады ұдай.
Сағынамын еріксіз сағынамын,
Жүрермін де мен бәлкім баяғыдай.
Сағынышты қалайша еңсеремін?
Түспесінші бір сәтке еңселерің.
Сендерсіңдер бауыры ақ қос қарлығаш,
Жоғалмасын, үмітің – ең сенерің.
Дегеніңе бұл тірлік көнсе көрім.
Қарындасым қос бірдей, шұғынығым,
Өмір-күздің баспасын шығы бүгін.
Келіпсіңдер екеуің, қос қанатым,
Жарқын-жарқын жатыр ғой шығып үнім.
Шипа болар жаныма жылылығың.
Қуаттандым, содан соң жабықпадым,
Құлан таза баяғы қалыптамын.
Қос бұлағым бітеліп, сарқылмаңдар,
Мөп-мөлдір боп жетіңдер халыққа мың.
Адалдықтың әлемге таныт мәнін.
Тасы, тасы!
Кергіле кемеріңді,
Ақпай жатып суалып, не көрінді?
Болыңдаршы бақытты, қос көгілдір,
Білмей тұрмын басқадай не дерімді?..



Пікірлер (0)

Пікір қалдырыңыз

Қалта

  • 0
  • 0

Елтіріден кісі өліп,
Даңғазамыз,
Түннен әйтеу іздейміз таңға маңыз.
Инвесторлар сөйлесе мадиықсып,

Толық

Шыдай ма кіл құсаға шамасы адам?

  • 0
  • 1

Шыдай ма кіл құсаға шамасы адам?
Ит аттап кетеді екен аласадан.
Тағдырдың татып жүрмін татасын көп,
Тәлеймен қалай ғана таласа алам?

Толық

Көкіректі кернейді кермек шерім

  • 0
  • 1

Көкіректі кернейді кермек шерім,
Адалдығың, пәктігің – жөргек сенің.
Дәрменсізбін, сұлу ең сүдіні ерек,
Көгілдірі тәрізді өр Көкшенің.

Толық

Қарап көріңіз