Сайтта техникалық жөндеу жұмыстары жүргізілуде. Қате байқалса, назар аудармауыңызды сұраймыз.

Тайыр Жароков

Сүттен тамған дәм

Бұл бетте «Сүттен тамған дәм» атты Тайыр Жароков жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

09.07.2022
0
0
691

Кешегі майдан дауылды
Жылдарда, келіп досқа мен,
Дүрлігіп тұрған айылды
Көрген едім Ошта мен.
Сонда ақ жаулық басында,—
Кәрі ана — қырғыз әйелі,
Ұсынып сүтін, асын да
Жегізген дәмі — бал еді...
Сол ана берген ақ сүттің
Кетпейді дәмі таңдайдан,
Ана мейірін жақсы ұқтым,
Өлең де жаннан тамған дәм...
Есімде Ошта болғанмын,
Ол кез... мылтық асынғам,
Бағы үшін ана, баланың
Майданда жауға ашынғам!
Жеңіспен, майдан біткелі,
Көп жылдар өтті арада;
Осы еді жырдың күткені,
Арналды сол жыр анаға!

1955

Тайыр Жароков сүттен тамған дәм Тайыр Жароков өлеңдері

Пікірлер (0)

Пікір қалдырыңыз

Жиі қойылатын сұрақтар