Өлең, жыр, ақындар

Әсте тоқтап көрмеген ғұмыр-ағым

  • 21.02.2021
  • 0
  • 0
  • 499
Әсте тоқтап көрмеген ғұмыр-ағым,
Жетегімен әрнеге ұрынамын.
Кең дегенім – тар екен,
Сөйтсем, сөйтсем –
Ішіндегі диюмын құмыраның.
Болмақ емес жалғанда азат басым,
Жолдан тайып жолықтым кәззапқа шын.
Қиянат көп пендеге мен жасаған,
«Қарулыға – ерулі»
Азаптасын.
Келіп еді әлеумет қорғап, бағып,
«Мың жолдыны – бір жолсыз сорлатқан» ұқ.
Сыздағанда сүйегі қазағымның,
Тартшы менің жанымды сорбақта ғып.
Алып қашып барады адасқан күн,
Салғанына Құдайдың таласқан кім?
Қалың ойдан бастырып,
Құрым жабу,
Ұйқы көрмей кермеде таң асқанмын.
Қарап тұрсам қамауда, зындандамын,
Уысында қалыппын сұм жалғанның.
Өрмекшінің
Шыбындай торындағы,
Қайла таппай бұлқынып, жынданғанмын.



Пікірлер (0)

Пікір қалдырыңыз

Жүрегімді жаулады басыр қайғы

  • 0
  • 1

Жүрегімді жаулады басыр қайғы,
Мынау әлем дүбәра – тасырлайды.
Өшті ме екен кеудеңнен мендік сенім,
Асау сезім санаға бас ұрмайды.

Толық

Ымырт жайлап

  • 0
  • 0

Ымырт жайлап,
Көшелерді бүркеген,
Сіңіп бара жаттым соған бірте мен.
Ара-кідік

Толық

Тасынған көңіл сап тынды

  • 0
  • 0

Тасынған көңіл сап тынды,
Қорғасын сынды құйылған.
Қарашығыма қақ тұнды,
Қара су ағып миымнан.

Толық

Қарап көріңіз