Көкжиекте сұлу Көкше сұлбасы

Көкжиекте сұлу Көкше сұлбасы,
Көңілімде сағыныштың тұнбасы.
Астанадан шығып едім асығып,
Күтіп тұр деп әппақ қайың-сырласым...
Қыста келгем, көктем келгем, жаз келгем,
Жаз жадырап, өте шығып күз келген...
Сарғыш тартып жапырақтар сирепті,
Аумай қалған шашы ағарған біздерден.
Жел тонаған жапырағын көп қайың,
Саған қарап, сабыр сақтап, тоқтайын.
Күз-өмірді ызғар сезіп қарсы алсам...
Өмір солай... қайсыбірін жоқтайын!

---