Кім бөтен?

Әйтеуір, біреуміз бөтенбіз,
Қайсымыз сыр берер екенбіз
Әзірге тастаймыз, бекембіз...
Тоғыспай тұрса жол, не етерміз
Жөн тауып, біріміз кетерміз,
Несіне жолықтық екеуміз?
Сыналмақ сынаққа түскенбіз,
Тағдырдан емеспіз үстем біз
Анығы – Алладан рахым күткенбіз.
Жыр жазып баладай жарыстық,
Ғажап бір тілекпен табыстық,
Табыстық бір күшпен ғарыштық...
Алайда, біріміз бөтенбіз,
Дәл қашан сыр берер екенбіз
Әзірге тастаймыз, бекембіз...

---