Қорқыныш

Жұлдыз арман болмай қалды,
Көктен жерге түскелі.
Қол созғандар ұстап алса,
Кепиетті деп пе едің?
Енді Ай түссе, бір күндері,
Ғарышқа не дер екенбіз.
Бет жоқ бізде, арсалаңдап
Жүре берер ме екенбіз?!
Жұлдыз, жұлдыз өріп жүрген
Көптің бірі боп алды ма?
Кетті ме өмір биіктеп тым,
Әлде биік жоғалды ма???
Жұлдыздарды шоғыр-шоғыр
Аспан жиып ап кетер ме,
Жерге түссе, барлық жұлдыз,
Аспан жерге жалп етер ме?

---