Өлең, жыр, ақындар

Туған жер, туған ауыл

  • 17.09.2021
  • 0
  • 0
  • 676
Сағынып қалған екем,
Қанатым сағыныштан талған екен.
Туған жер!
Маңдайымнан сүйші менің,
Еркеңді құшағыңа ал да бекем!
Сен барда ауылы алыс күшті алаңның,
Ауылым!
Сенде қанат ұштағанмын.
Өлеңнің өзеніне желкен құрған,
Арманын құш балаңның!
Тағдырым тұншықтырып сыз демімен,
Көктемнен өте шығып, күзге кіргем.
Төсіңнен іздейінші, туған жерім,
Бақытты бала шақтың іздерін мен.
Мендегі мұңнын атын тұсадың да,
Кеудемді толтырдың сен күш-ағынға.
Құдай-ау!
Қайда кеткен кісілігім,
Балаға айналдым мен құшағыңда.
Ауылым, аспаның да бөлек екен,
Таудағы тастарың да бөлек екен.
Туған жер!
Саған деген қарызымды,
Жырыммен төлеп өтем!..
Қиялын құлатпаған күзгі дауыл,
Айналдым ниетіңнен, ізгі бауыр.
... Жыр іздеп өзге жақтан неғып жүргем,
Өлеңнің өзегі екен біздің ауыл!..



Пікірлер (0)

Пікір қалдырыңыз

Бір көш кетіп барады...

  • 0
  • 0

Бір көш кетіп барады,
Соңында із бар қаралы.
Қыр астында жел сыңсып,
Жоқтау-әнге салады.

Толық

Тек адалды қабыл алар жаратқан...

  • 0
  • 0

Адалдық пен мейірімнен есілген,
Мұсылмандық – мейірімнен құралған.
Садақа бер, жетім менен жесірге,
Жаныңызға медет болар бір Аллам.

Толық

Қайта қолды қолыса...

  • 0
  • 0

Жатақхана.
Жарым түн.
Жалқы бақыт,
Күзгі уақыт – қашаннан салқын уақыт.

Толық

Қарап көріңіз

Басқа да жазбалар