Өлең, жыр, ақындар

Мекендеп шынар шың басын

  • 06.11.2021
  • 0
  • 0
  • 538
Мекендеп шынар шың басын,
Үзгендей жапырақ сырғасын.
Білмеппін мынау өмірдің
Жаз болып мәңгі тұрмасын.
Жақынмын жанға көңілі ақ,
Көңілге жетер жол ұнап.
Сайраймын, таңда туған ел,
Бұтағыңа сенің қонып ап...
Күнім бар менің қаншалық,
Жапырақтан тасқа тамшы ағып.
Осынау орман өмірге
Кетейін әнмен жан салып.
Өлгендер қайта тірілсін,
Өткен күн қайта бұрылсын.
Сағынышымның көз жасын,
Сарғайған гүлдер сімірсін.
Сайрайтын арман күн бүгін,
Ауырлап қайтем жыр жүгін.
Тисе екен барып сезімге,
Тамшыға ұқсап сырлы үнім.
Дерттіні әнмен емдеппін,
Әніме шығар шөлдеп күн.
Саңқылдап көкте қырандай,
Жарқылдау үшін келмеппін...
Жаныма титтей жоқ дауа,
Ортақ боп жақын, жатқа да.
Келіппін мынау өмірге –
Ән салу үшін тек қана,
Тамсану үшін тек қана...



Пікірлер (0)

Пікір қалдырыңыз

Соғады жүрек

  • 0
  • 0

Соғады жүрек!
Тынымсыз тулап кеудемде,
Серт еткендей сенбеуге.
Көктемге көшкен құстардай,

Толық

Ауа жетпей кейде бір алқынамын

  • 0
  • 0

Ауа жетпей кейде бір алқынамын,
Ондай кезде шығады салқын әнім.
Ғашық болып тағы да таңғы күнге,
Таңғы күндей биікке талпынамын.

Толық

Бұл жерде тыныштық, салады бұлбұл ән

  • 0
  • 0

Бұл жерде тыныштық, салады бұлбұл ән,
Ағады бұлақтар жағаға еркелеп.
Шаттықтан сезбеймін, уақытты жылжыған,
Бақытпен қоштасқым келмейді ертерек…

Толық